Fuad Musayev
Kimdir?

Musayev Fuad 2001-ci ildə Bakı şəhərində anadan olmuşdur. 2007-ci ildə Bakı şəhəri Xətai r-nu 55 saylı orta məktəbdə ilk təhsilini almışdır. 2016-cı ildə həmin məktəbi əla və yaxşı qiymətlərlə bitirərək Azərbaycan Dövlət İncəsənət Kollecinə daxil olmuşdur. Fuadın incəsənətə, rəssamlığa olan marağı onu Azərbaycan Dövlət Rəssamlıq Akademiyasına qədər gətirib çıxarmışdır. Fuad Rəssamlıq Akademiyasının 2-ci kurs tələbəsidir. İlk fərdi sərgisi 2008-ci ildə Adil İsgəndərov adına Mədəniyyət sarayında keçirilmişdir. 2009-cu ildə AR DNŞ Sİİ Mədəniyyət və İstirahət işləri Departamentinin təşkil etdiyi 1 iyun “Usaqların Beynəlxalq Müdafiəsi günü“ ilə bağlı təşkil etdiyi sərgidə fəal iştirakına görə fəxri fərmanla təltif edilmişdir. 2014-cü ildə Xətai Sənət Mərkəzində Xocalı Soyqırımı adlı rəsm sərgisindəki iştirakına görə diplomla təltif edilmişdir. Fuad həm maraqlı rəsimləri ilə həm də toxuculuq qabiliyyəti ilə həmişə yaşıdlarından seçilmişdir. 2017-ci ildə İncəsənət Kollecində Novruz Bayramı münasibəti ilə keçirilən sərgidə fəal iştirakına görə diplomla təltif edilmişdir. 2020-ci ildə rəsimlərinin satışından əldə etdiyi 2000 azn pulu Milli Ordunun Bank hesabına köçürmüşdür. 2021-ci il dekabrın 3-də Mədəniyyət Komitəsinin təşkilatçılığı ilə keçirilən “Sərhədsiz Sənətkarlıq” adlı satış sərgidə fəal iştirak etmişdir. Sərgidə satılan rəsimlərindən əldə olunan vəsait ilə Vətən Müharibəsi qazisinə əlil arabası hədiyyə etmişdir. Fuad yaşıdlarında işgüzarlığı, qətiyyəti və vətənpərvərliyi ilə hər zaman seçilmişdir. Ona bu şərəfli həyat yolunda ugurlar arzu edirik. Gənc rəssama bu yolda nailiyyətlərinin bol olmasını diləyirik!